Das Wegkreuz auf der Breitenhöhe
Auf dem Sattel der Breitenhöhe steht, an der Nordseite der Strasse gelegen, ein uraltes Kreuz. Der Mümliswiler Ortsgeschichtsforscher Max Walter-Feigel schrieb im Jahre 1937 darüber:
"Ein schönes Kruzifix aus Stein auf einem Granitsockel (Findling) steht auf der Breitenhöhe. Es trägt u. a. die Inschrift H. V. 1666. Seine Geschichte oder Sage ist uns unbekannt; sie bleibt wohl - wie bei den übrigen in dieser Schrift nicht aufgezählten Feld- und Wegkreuzen des Guldenthales - ewiges Geheimnis!"
Das Breitenhöhekreuz am 24. Juli 2002 nach der Restaurierung durch die Gemeinde Mümliswil-Ramiswil.
Die Solothurner Volkskundlerin Elisabeth Pfluger beschreibt im Band «Solothurner Geschichten» (Nr. 162) dieses Kreuz folgendermassen:
"Das Chrüz uf der Breitehöchi hed drei ganz verschideni Sockel. Der ungerst isch us verwitteredem Chalchstei. Druff isch e höche, runde Geisbärger, wo ne usdienede Rybi- oder Mülistei chönnt sy. Denn chund e chlynere, quadratisch ghaune Block, wo s Chrüz treit. Vom Chrüz isch der unger Teil vill elter as der ober. Ufem kreisrunde Granitsockel stoht d Johrzahl 1666 und zwüsche de Buechstabe HV es Vagantezeiche, wome chönnt düte wie eine, wo gäge Langebrugg zue fliet."
Gestützt auf Angaben von Paul Haefeli-Lack und Emil Nussbaumer-Haefely erklärt Elisabeth Pfluger die Geschichte des Kreuzes folgendermassen:
"Übere Dryssgjeerig Chrieg hei vill Mannevölcher s Schaffe verlehrt. Derfür hei si allerlei Untugeden agnoo. Zu Bandene zämegrotted sy si dene, wo gluegt und ghuused hei, ufsässig gsi mit Bättlen und Brotheusche, mit Stählen und Räubere. Di gschafferige Lüüt si s Läbes nümm sicher gsi vor däm Vaganten- und Schelmepack. Do hed d Regierig müese ygryfe. Landjeger hei die Raubgselle gluegt yzfoo, und denn hed me sen is Schällewärch zwunge. Die schlaue Sidiane hei si do zu no grössere Bandene zämegrotted. lhri Lagerplätz si eisder nooch anere Kantonsgränze gsi. Wenn de d Landjeger vo der einte Regierig agruckt si, hei d Vagante gäbig vo eim Sädel ufen anger chöne rütsche uf der ähnere Site vom March. Vo dört us hei si d Polizei ungstroft chöne uspfyffe und wider zrugg zügle, wenn d Luft rein gsi isch. Einisch hed d Basler Regierig z Langebrugg Jagd uf sone Huderebandi gmacht, wo dört d Lüüt erpresst und usgsugged hed. Do si öppe dryssg deren Ufläät d Bachtelen uuf gägem Soledurnische zue gfloche. Zum Glück hed öpper d Mümliswiler chöne warne. D Buure vo de nöchste Höfe, der Breite, Schwängle, Seeblede, em Schlossweidli, der Beerede und no settig vom Dorf hei si zämegrotted, für däm Pack d Gränze z verwehre. Mit Sägeze, Dröschflegle, Chärst und Chnüttle, Säblen und Muusermässer sy si de Vaganten ergäge. Am Gränzmarch uf der Breitehöchi heds e Rumpussede gee uf Tod und Läbe. D Hudere hei der Chürzer zoge und müese flie. Es paar vone si aber ufem Platz blibe und hei müese is Gras bysse. A Ort und Stell hed me di Tote vergrabe. Und as au d Geister vo den Erschlagne ihri Ruei finge, hed me nes gsägneds Zeiche, nes Chrüz, häretoo."
Neue Erkenntnisse über den Ursprung des Breitenhöhekreuzes
Ein wichtiger Mosaikstein zur Rekonstruktion der Geschichte dieses Kreuzes entdeckte ich im Sommer 2002. Ausgangspunkt war das von Elisabeth Pfluger erwähnte "Vagantenzeichen" am Fuss des Kreuzes. Beim Erstellen einer Fotodokumentation von zwölf alten Grabplatten, die an der nördlichen Stützmauer der Mümliswiler Pfarrkirche eingemauert sind, fand nach der Reinigung der Platten eine von ihnen mein besonderes Interesse, nämlich jene eines "Hans Uecker, des Gerichts", vermutlich eines Ahnen der heutigen Familien Jeker in Mümliswil.
